پاکستان کی پہلی خاتون صحافی کراچی یونیورسٹی کے شعبہ صحافت کی سابق چیئرپرسن شاہدہ قاضی 79 کی عمر میں انتقال کر گئیں۔

شاہدہ قاضی 1963میں پاکستان کی پہلی خاتون صحافی تھیں جنہوں نے جامعہ کراچی کے شعبہ صحافت میں داخلہ لیا تھا اور 1966 میں انگریزی اخبار ڈان میں شمولیت اختیار کی تھی۔

انہوں نے پی ٹی وی کے لیے 18 سال کام کیا جبکہ جامعہ کراچی اور محمد علی جناح یونیورسٹی میں شعبہ ابلاغ عامہ کی چیئرپرسن کے طور پر بھی خدمات انجام دیں۔

پروفیسر شاہدہ قاضی کی اشاعتوں میں سیاہ، سفید اور سرمئی، ٹیلی ویژن جرنلزم، ٹیلی ویژن صحافت، پاکستان اسٹڈیز ان فوکس، “او” لیول کے طلباء کے لیے ایک نصابی کتاب، پیشہ ورانہ جرائد میں میڈیا اور کمیونیکیشن کے مختلف پہلوؤں پر تحقیقی مضامین، اخبارات اور رسائل میں میڈیا، تعلیم، خواتین کے مسائل، سماجی مسائل سمیت مختلف موضوعات پر عمومی مضامین شامل ہیں۔

شاہدہ قاضی کی تدفین  اتوار 29 اکتوبر کے روزکراچی یونیورسٹی کے قبرستان میں کی جائے گی ۔