سکول پرنسپل کی جانب سے طالبات کو ہراساں کرنے کا ایک اور واقعہ سامنے آگیا۔
خبررساں ادارے این این آئی کے مطابق کراچی کے علاقے سعود آباد میں سرکاری سکول میں دسویں جماعت کی طالبہ کو ہراساں کرنے پر پولیس نے پرنسپل گرفتار کرلیا۔پولیس کے مطابق لڑکیوں کے سرکاری اسکول کاپرنسپل بچیوں کے ساتھ نازیبا حرکات کرتا تھا، بچیوں کے والدین نے تھانہ سعودآباد پولیس کو پرنسپل کی جانب سے ہراساں کرنے سے آگاہ کیا، جس پر فوری ایکشن لیتے ہوئے ایس ایس پی کورنگی نے ملزم کی گرفتاری کا حکم دیا۔ پولیس کے مطابق پولیس ٹیم نے سکول کے ہیڈ ماسٹر اعظم ولد کھوڑو خان کو گرفتار کرلیا ہے اور ملزم کے خلاف مقدمہ درج کرلیا گیا ہے۔
واضح رہے کہ اس سے قبل کراچی کے ایک پرائیویٹ سکول میں بھی پرنسپل کی جانب سے طالبات اور خواتین ٹیچرز کوہراساں کرنے کی ویڈیوزسامنے آئی تھیں۔