راولپنڈی کے لینڈ مافیا فرخ کھوکھر پر اپنی بیوی کو قتل کرنے کا الزام، پولیس نے لاش اپنی تحویل میں لے کر پوسٹ مارٹم کے لئے ہسپتال منتقل کرا دی ہے اور واقعہ کی تحقیقات شروع کر دی ہے۔

پولیس ذرائع کے مطابق فرخ کھوکھر کی اہلیہ 32 سالہ رمشاء کی پھندا لگی لاش کمرے میں پائی گئی۔

فرخ کھوکھر کے بھائی عمر کھوکھر نے پولیس کو کال کرکے رمشاء کی خود کشی کی اطلاع دی۔

پولیس جب موقع پر پہنچی تو مقتولہ رمشاء کے بھائی علی رضا نے بہن کے قتل کا الزام فرخ کھوکھر پر لگایا۔

پولیس چوکی گلزار قائد نے لاش اپنے قبضے میں لے کر ہسپتال منتقل کرا دی ہے اور تفتیش شروع کر دی ہے۔