اسرائیلیوں کو فلسطین پر بات کرنے والے ہر شخص سے خوف ہرطرف نظر آنے لگا کہ کہیں وہ اسرائیلی کارروائی کی مذمت اور فلسطینیوں کی حمایت نہ کر دے۔ ایسا ہی گزشتہ روز بھارتی ٹیلی ویژن کے ایک شو میں ہوا جس میں ایک اسرائیلی نے بھارتی خاتون اینکر کے لباس پر اعتراض کردیا۔
غیر ملکی میڈیا کے مطابق اسرائیلی انٹیلی جنس سپیشل فورسز کے اہلکارنے بھارتی ٹی وی کی میزبان کے کپڑوں پر اعتراض اٹھاتے ہوئے کہا کہ آپ فلسطینی پرچم والا لباس پہنے ہوئے ہیں مگر جان لیں کہ اسرائیلی پرچم غالب رہے گا۔میزبان نے اسرائیلی اہلکار کو جواب دیتے ہوئے بتایا کہ انہوں نے اپنی دادی کی 105 ویں سالگرہ منانے کے لیے دادی ہی کی یہ سرخ اور سبز ساڑھی پہنی ہے۔
میزبان کا جواب سن کر اسرائیلی اہلکار نے ٹوکا کہ یہ کسی اور موقع کے لیے سنبھال کر رکھیں جس پر میزبان نے اسرائیلی اہلکار کو جھڑک دیا اور کہا وہ کسی کے ڈکٹیشن پر نہیں چلتیں کہ کیا پہننا ہے اور کیا کہنا ہے۔