ممبئی (این این آئی) بالی ووڈ اداکار عمران خان سے متعلق انکشاف ہوا ہے کہ وہ 8 برس بعد بالی ووڈ میں واپسی کیلئے تیار ہیں جس کیلیے انکی ایک نامور ہدایتکار سے بات چیت بھی شروع ہوگئی ہے۔

اپنی مشہور فلموں جانے تو یا جانے نا، دہلی بیلی، آئی ہیٹ لوو اسٹوریز، گوری تیرے پیار میں اور کڈنیپ سمیت دیگر کی وجہ سے کافی معروف ہیں۔

بالی ووڈ سپر اسٹار عامر خان کے بھانجے عمران خان آخری بار 2015 کی بالی ووڈ فلم کٹی بٹی میں نظر آئے تھے۔ جس کے بعد سے 40 سالہ عمران خان فلمی دنیا سے دور رہے۔ اس دوران انکے پرستار انکی واپسی کے حوالے سے حیران و پریشان رہے۔

تاہم اب 8 برس بعد عمران خان کی جانب سے ممبئی کی فلم نگری میں واپسی کے حوالے سے انکشاف ہوا ہے۔ اس سلسلے میں بھارتی میڈیا میں یہ اطلاع تھی کہ عمران خان کی معروف بھارتی فلمی ہدایتکار اور اسکرین رائٹر عباس ٹائر والا سے ایک جاسوسی و ایکشن ڈرامہ سیریز کے حوالے سے پہلے ہی بات چیت چل رہی ہے، یہ سیریز ایک معروف او ٹی ٹی پلیٹ فارم پر اسٹریم ہوگی۔

لاہور( این این آئی) نامور اداکارہ میرا نے کہا ہے کہ میرا کیرئیر ابھی ختم نہیں ہوا بلکہ میں نے تو ابھی بہت کام کرنا ہے، فلم انڈسٹری کے جو حالات ہیں وہ سب کے سامنے ہیں۔

اپنے بیان میں انہوں نے کہا کہ شوبز سے ہرگز دور نہیں ہو ئی، مجھے یقین ہے جب اچھی فلمیں بنیں گی تو یقینی طور پر میں بطور ہیروئن کسی بھی ہدایتکار کی پہلی ترجیح ہوں گی۔

انہوں نے کہا کہ میں وہی کردار ادا کرنا چاہتی ہوں جن کی وجہ سے مجھے مقبولیت ملی۔

میرا نے کہا کہ مجھے بھارت سے بھی کام کرنے کی پیشکش ہوئی لیکن میں نے پاکستان کو ترجیح دی ہے ۔