فیڈرل بورڈ آف ریونیو (ایف بی آر) نے انکم ٹیکس گوشوارے جمع کرانے کی تاریخ میں توسیع کا اعلان کر دیا ہے۔

ایف بی آر کے مطابق انکم ٹیکس آرڈیننس 2001 کے سیکشن 214 اے کے تحت حاصل اختیارات کا استعمال کرتے ہوئے تاریخ میں توسیع کی گئی ہے۔

نوٹیفکیشن میں کہا گیا ہے کہ مختلف تجارتی تنظیموں اور ٹیکس بار ایسوسی ایشنز کی درخواستوں کو مدنظر رکھتے ہوئے تاریخ میں 31 اکتوبر تک توسیع کی گئی ہے۔

واضح رہے کہ اس سے قبل ٹیکس گوشوارے جمع کرانے کی تاریخ 30 ستمبر مقرر تھی۔