بالی ووڈ کی معروف اداکارہ سونم کپور نے مذاق اڑانے پر خاتون یوٹیوبر کو قانونی نوٹس بھیج دیا ہے۔
بھارتی میڈیا کے مطابق سونم کپور نے ایک ویڈیو جاری کی ہے جس میں کہا گیا ہے کہ راگنی نامی یوٹیوبر نے اداکارہ، ان کے شوہر اور ان کے فیشن برانڈ کو نقصان پہنچایا ہے۔
سونم کپور نے نوٹس میں یوٹیوبر سے مطالبہ کیا ہے کہ یہ ویڈیو چینل سے فوری ڈیلیٹ کی جائے، اور مستقبل میں ایسا نہ کرنے کا بھی کہا گیا ہے۔
نوٹس کے مطابق اگر یوٹیوبر راگنی کی جانب سے ویڈیو ڈیلیٹ نہ کی گئی تو اداکارہ کی جانب سے مزید قانونی کارروائی کی جائے گی۔
دوسری جانب یوٹیوبر راگنی کا موقف بھی سامنے آ گیا ہے جنہوں نے سوشل میڈیا ویب سائٹ انسٹا گرام پر لکھا ہے کہ میری ویڈیو سونم کپور کے ان بیانات پر مبنی ہے جو ان کی جانب سے عوامی تقریبات میں دیئے گئے تھے۔
