اسلام آباد:اسلامی نظریاتی کونسل کے چیئرمین نے صدرمملکت کے سزا معافی کے اختیارکو قرآن و سنت کے منافی قرار دیتے ہوئے مخالفت کر دی ۔ چیئرمین کونسل قبلہ ایاز نے غیررسمی گفتگو میں کہا کہ صدر کا یہ اختیار قرآن و سنت کے منافی ہے ، صدر مملکت کو قتل سمیت مختلف جرائم کی سزائیں معاف کرنے کا اختیارنہیں ہونا چاہیے۔ قبلہ ایاز نے کہا کہ شریعت کے خلاف قوانین کے حوالے سے وزارت قانون سے رابطے میں ہیں، اسلامی نظریاتی کونسل نے دوسری شادی سمیت عائلی قوانین کے حوالے سے بھی سفارشات پیش کی ہیں۔