دنیا کی کسی بھی زبان میں خبریں پڑھنے کے لیے یہاں کلک کریں۔
معرو ف پاکستانی اداکارہ ماہرہ خان کا آفیشل انسٹاگرام ہینڈل فلسطین کی حمایت کرنے پر “شیڈوبین” ہوگیا ہے۔
میڈیا رپورٹس کے مطابق میٹا کی سوشل میڈیا ایپ انسٹاگرام فلسطین کے حق میں بولنے والے اکاؤنٹس کو “شیڈوبین” کرنے لگ گیا ہے۔
اب تک انسٹاگرام پر کئی اکاؤنٹس کو “شیڈوبین” کردیا گیا جن میں اب معروف اداکارہ ماہرہ خان بھی شامل ہوگئی ہیں۔
اداکارہ اس پابندی کے باوجود بھی فلسطین کی حمایت سے پیچھے نہ ہٹیں اور انہوں نے اپنی انسٹا اسٹوری فلسطین کا جھنڈے والا ایموجی بھی پوسٹ کردیا ہے۔
کراچی (این این آئی)غزہ پر اسرائیلی حملوں کے باعث جہاں ہر آنکھ اشک بار ہے وہیں اداکارہ ماہرہ خان بھی غمگین ہیں۔ماہرہ خان نے سوشل میڈیا پر اسرائیلی بربریت کا شکار معصوم فلسطینی بچوں سے اظہارِ یک جہتی کیا ہے۔
سماجی رابطے کی ویب سائٹ ایکس پر ایک تصویر میں ایک بچہ بمباری سے متاثرہ علاقے میں فلسطین کا پرچم اپنے جسم پر لپیٹے کھڑا ہے۔اس تصویر کے ساتھ لکھا گیا ہے کہ کاش بم گرنے پر میں تمہیں اپنے دل میں چھپا سکتا۔
ماہرہ خان نے اس تصویر پر اپنے جذبات کا اظہار کرتے ہوئے لکھا کہ ‘کاش، کاش ،کاش’۔واضح رہے کہ غزہ پر اسرائیلی بمباری کا سلسلہ جاری ہے جس میں اب تک شہید فلسطینیوں کی تعداد 2800 سے تجاوز کر گئی ہے۔میڈیا رپورٹس کے مطابق شہید ہونے والوں میں ایک ہزار سے زائد بچے بھی ہیں۔
کراچی (این این آئی) پاکستان شوبز انڈسٹری کی مایاناز اداکارہ ماہرہ خان نے عزیز و اقارب اور انٹرٹینمنٹ انڈسٹری کے ستاروں سے سجی قوالی نائٹ کی ویڈیو سوشل میڈیا پر شیئر کر دی۔
ماہرہ خان اور ان کے دیرینہ دوست و کاروباری شخصیت سلیم کریم رواں ماہ کے آغاز میں مری سے قریبی واقع نجی ہوٹل میں منعقد ہونے والی تقریب میں شادی کے بندھن میں بندھ گئے تھے جن کی تصاویر اور ویڈیوز وقتا فوقتا سامنے آ رہی ہیں۔
اب گزشتہ شب اداکارہ نے اپنی قوالی نائٹ کی ویڈیو شیئر کی جس میں معروف گلوکارہ عابدہ پروین نے اپنے سر بکھیرے اور کلام تو جھوم جھوم پیش کر کے تمام حاضرین کو جھومنے پر مجبور کر دیا۔
اداکارہ نے مذکورہ ویڈیو کے کیپشن میں لکھا کہ جو مجھے جانتا ہے وہ عابدہ پروین کو بھی جانتا ہے،میرا تمام پیار اور عزت ان کیلئے، الحمد اللہ، شکر، صبر، شکر۔
لاہور( این این آئی) نامور اداکارہ ماہرہ خان کی مایوں کی تصاویر بھی منظرعام پرآگئیں۔اداکارہ ماہرہ خان بزنس مین سلیم کریم کے شادی کے بندھن میں بندھ چکی ہیں۔
ان کی شادی کی 2 اکتوبر کو مری میں ایک تقریب رکھی گئی جس میں قریبی دوستوں اور رشتے داروں نے شرکت کی۔
ماہرہ خان کی دوسری شادی کی تصاویرکو سوشل میڈیا صارفین کی جانب سے کافی پسند کیا جارہا ہے۔
ابھی اداکارہ نے اپنے آفیشیل اکائونٹ سے مایوں کی تصاویر جاری کیں ہیںجس میں انہوں نے دعائے خیر کی بھی تصاویر بھیجی ہیں۔اداکارہ نے اپنی دعائے خیر میں آف وائٹ رنگ کے حیدرآبادی کُرتے کے ساتھ سنہرے رنگ کا چوڑی دار پاجامہ پہنا تھا جبکہ مایوں میں انہوں نے روایتی پیلے رنگ کا لباس زیب تن کیا۔
اس سے قبل ماہرہ خان نے اپنی بارات کی تصاویر شیئر کی تھیں۔
اداکارہ نے لکھا میری والدہ کی ایک خواہش تھی کہ شادی کا آغاز دعا سے کریں۔
میری خوبصورت اماں جو ویل چیئر پر ہیں کسی کو لگتا ہے کہ وہ بہت کچھ نہیں کر سکتیں لیکن واقعی وہ سب کچھ اور کچھ بھی کر سکتی ہیں۔ انہوں نے بیٹھ کر نیچے کی سجاوٹ کا انتظام کیا۔
پاکستان کی معروف اداکارہ ماہرہ خان نے اپنے قریبی دوست سلیم کریم سے شادی کر لی ہے۔
اداکارہ کے مینیجر انوشے طلحہ کی جانب سے ماہرہ خان کی شادی کی تقریب کی ویڈیو سوشل میڈیا پر شیئر کی گئی جہاں وہ وائرل ہو گئی۔
ویڈیو میں دیکھا جا سکتا ہے کہ ماہرہ خان نے سفید رنگ کا لہنگا پہنا ہوا ہے جبکہ دلہا سلیم کریم شیروانی پہنے ہوئے ہیں۔
واضح رہے کہ ماہرہ خان نے اس سے قبل ثمینہ پیرزادہ کے ساتھ گفتگو کرتے ہوئے سلیم کریم کے ساتھ تعلق کی تصدیق کی تھی۔
سوشل میڈیا پر شادی کی تقریب کی ویڈیو وائرل ہونے پر ماہرہ خان کے چاہنے والوں نے ان کے لیے نیک خواہشات کا اظہار کیا ہے اور دعائیں دی ہیں۔ یاد رہے کہ یہ ماہرہ خان کی دوسری شادی ہے۔
