پاکستان کی معروف اداکارہ مریم نفیس نے کہا ہے کہ کسی بھی خاتون کا حاملہ ہونا ایک قدرتی عمل ہے، اس پر سوشل میڈیا پر منفی تبصروں سے گریز کرنا چاہیے۔

اپنے ایک انٹرویو میں مریم نفیس نے کہا کہ سوشل میڈیا پر منفی تبصرے ذہنی تنائو کا باعث بنتے ہیں۔

اداکارہ نے کہاکہ میں نے جب اپنی بیٹی کی پیدائش کے حوالے سے اپنے چاہنے والوں کو خوشخبری سنائی تو اس پر جو ردعمل دیا گیا وہ بہت ہی پریشان کن اور حیران کر دینے والا تھا۔

مریم نفیس کا کہنا تھا کہ جب سوشل میڈیا پر جاری میری تصاویر پر لوگوں کے منفی تبصروں کے انبار لگ گئے تو پھر مجھے مجبور ہو کر اکائونٹ ہی بند کرنا پڑ گیا۔

اداکارہ مریم نفیس نے حال ہی میں خود کو انسٹاگرام پر تنہائی میں ملاقات کرنے کی پیش کش اور بھاری معاوضے کے عوض بولڈ کام کرنے کی آفر کرنے والے افراد کے اسکرین شاٹ شیئر کرتے ہوئے اسٹوریز شیئر کیں کہ لوگوں کو سمجھنا چاہئیے کہ اداکارائیں طوائف نہیں ہوتیں۔
اداکارہ نے انسٹاگرام پر متعدد میسیجز کے اسکرین شاٹس شیئر کیے، جن میں بعض افراد نے ان سے تنہائی میں ملاقات کرنے تو بعض افراد نے بھاری معاوضے کے تحت بولڈ کام کرنے کی پیش کش کر رکھی تھی۔
اداکارہ نے ایک شخص کے میسیج کا اسکرین شاٹس شیئر کیا، جس میں انہوں نے مذکورہ شخص کی شناخت کو خفیہ رکھا ہے ۔اداکارہ کا کہنا ہے کہ لوگوں کی ذہنیت بہت گندہ ہے وہ اپنی ماں بیٹی بہن کے سوا سب کو بازاری سمجھتے ہیں انہوں نے کہا کہ جب ان کی اپنی فیملی پر بات آتی ہے تو ان کی غیرت جاگ اٹھتی ہے کاش ایسے لوگ دوسروں کی بہن بیٹی اور بیوی کو بھی وہی تعظیم دین جو وہ اپنی بہو بیٹیوں کو دیتے ہیں