مسلم لیگ ن کی رہنما مریم نواز نے سابق وزیراعظم نوازشریف کی وطن واپسی پر مینار پاکستان جلسے میں کارکنوں سے خطاب کرتے ہوئے کہا کہ ’نواز شریف کو مٹانے والے کتنے آئے اور کتنے چلے گئے۔ دیکھ لو! وہ آج اپنی سکرینز پر دیکھ رہے ہوں گے۔ جو کہتے تھے نواز شریف کی سیاست ختم ہو گئی، وہ دیکھ رہے ہوں گے نواز شریف اپنے لوگوں میں واپس آ گئے ہیں۔

Maryam Nawaz Sharif’s support for Palestine remains steadfast and resolute.

#خوش_آمدید_نوازشریف pic.twitter.com/wUYwnWzLG9

— PMLN DIGITAL (@pmlndigitalpk) October 21, 2023

انھوں نے کہا کہ ’مجھے نہیں پتا تھا مینار پاکستان مسلم لیگ کے شیروں کے لیے کم پڑ جائے گا۔انھوں نے کہا کہ ’آج تقریر صرف نواز شریف کریں گے۔
مریم نواز کا کہناتھا کہ جو کہتے تھے کہ مسلم لیگ ن میں سے ش نکلے گی وہ دیکھ لیں آج سب سٹیج پر ایک ساتھ ہیں، م اور ش ایک ساتھ ہیں ، انہوں نے اپنے والدنوازشریف اور چچا شہبازشریف کی طرفہ اشارہ کرتے ہوئے کہا کہ اللہ تعالیٰ بھائیوں کی جوڑی سلامت رکھے، انہوں نے کہا کہ پاکستان نوازشریف کا ایک اور عروج دیکھنے جارہاہے۔
مریم نواز نے جلسے کے سٹیج پر فلسطین کا پرچم لہرایا اور فلسطینی بھائیوں کے ساتھ یکجہتی کااظہار کیا۔

پاکستان مسلم لیگ ن کی چیف آرگنائزر مریم نواز نے اپنے قائد اور والد نوازشریف کو پاکستان واپسی پر خوش آمدید کہتے ہوئے کہا ہے کہ ’آ جا تینوں اکھیاں اُڈیکدیاں، خوش آمدید نواز شریف!

سماجی رابطے کی ویب سائیٹ ایکس پر اپنی ایک ٹوئٹ میں مریم نواز نے لکھا کہ شاید میری زندگی کا آج سب سے بڑا دن ہے، میں اللہ پاک کا شکر ادا کرتی ہوں۔

میری زندگی کا شاید آج سب سے بڑا دن ہے۔ میں اللّہ ربّ العزت کی شکر گزار ہوں۔ جتنے دکھ اور تکالیف نواز شریف نے پچھلے 24 سالوں میں سہے، شاید ہی اس کی کوئی مثال ہو، اور انکے کچھ زخم ایسے ہیں جو کبھی نہیں بھر پائیں گے مگر جتنے عروج بھی نواز شریف نے دیکھے وہ بھی شائد کسی اور کے حصے میں…

— Maryam Nawaz Sharif (@MaryamNSharif) October 21, 2023

ان کا کہنا تھا کہ 24 سال کے دوران نواز شریف نے جتنی تکالیف برداشت کیں ان کی کوئی مثال نہیں ملتی، کچھ زخم تو ایسے ہیں جو کبھی بھر نہیں پائیں گے۔

مریم نواز نے کہا کہ جتنے عروج نوازشریف نے دیکھے وہ بھی شاید ہی کسی کے حصے میں آئے ہوں، آج نوازشریف کا ایک اور عروج پورا پاکستان دیکھنے جا رہا ہے۔

پاکستان مسلم لیگ ن کی چیف آرگنائزر مریم نواز نے کہا ہے کہ ’نواز شریف سے سب کچھ چھیننے والے عبرت کا نشان بنے ہوئے ہیں۔
لاہورمیں مسلم لیگ ن کے کارکنوں سے خطاب کرتے ہوئے مریم نواز کاکہناتھا کہ نوازشریف کوجب بھی نکالا گیا تو وہ زیادہ طاقتور ہو کرواپس آئے۔
مریم نوازکاشاہدرہ میں خطاب کے دوران کہناتھا کہ وہ 21 اکتوبر کو نواز شریف کی لندن سے وطن واپسی سے پہلے مختلف جگہوں پر جلسے کر کے لوگوں کو مینارِ پاکستان آنے کی دعوت دینا چاہتی ہیں۔

The show time has begun in Shahdara!
Maryam Nawaz Sharif, the public leader is again with public. Together we are ready to receive our Quaid Mian Nawaz Sharif on 21st October 🫶🎊✈️#نواز_تیرے_جانثار pic.twitter.com/y1MtE5MYSD

— PML-N Team (@PMLNTeamPK) October 1, 2023

اپنے خطاب میں مریم نواز نے کسی کانام لئے بغیر کہا کہ جن افراد کا نواز شریف کو نکالنے میں کردار تھا وہ آج کہیں دکھائی نہیں دے رہے اور تاریخ کے کوڑے دان میں پڑے ہیں کیونکہ نواز شریف نے اپنا معاملہ اللہ پر چھوڑ دیا تھا۔ مریم نے پی ٹی آئی کی جانب اشارہ کرتے ہوئے کہا کہ ’ان کے لیڈر پر مشکل آئی نہیں اور ان کی جماعت کے ٹکڑے ٹکڑے ہو گئے۔
مریم نوازکاکہناتھا کہ نواز شریف نے سیاسی انتقام تو سہا، جھوٹے مقدمات بھی سہے، جھوٹی سازش بھی سہی، جیلیں بھی سہیں، سزا بھی سہی ، نواز شریف نے جو ذاتی نقصانات اپنے سینے پر برداشت کیے ان کا نہ کوئی اندازہ کرسکتاہے نہ ازالہ کر سکتاہے۔
’آج جب 21 اکتوبر کو نواز شریف رائیونڈ گھر واپس جائے گا تو اس کا استقبال کرنے کے لیے اس کی بیوی اور میری ماں موجود نہیں ہو گی۔ اس کو دعا دینے والی ماں موجود نہیں ہو گی۔ یہ زخم جو اس نے سینے پر کھائے ہیں وہ پوری زندگی نہیں بھر سکتے لیکن نواز شریف واپس ملک اور عوام کے لیے آ رہا ہے
مریم نواز نے کہا کہ 21 اکتوبر کو مہنگائی، بیروزگاری اور دہشتگردی کا خاتمہ کرنیوالا اور پاکستان کے سینے پر لگے زخموں پر مرہم رکھنے والا نواز شریف واپس آرہا ہے ‘
انھوں نے دعویٰ کیا کہ 21 اکتوبر کو دراصل پاکستان سستے بجلی، گیس اور پیٹرول کی بھی واپسی ہو گی