دنیا کی کسی بھی زبان میں خبریں پڑھنے کے لیے یہاں کلک کریں۔
گوجرانوالہ کے میڈیکل کالج میں زیرتعلیم فلسطین کے 2 طلبہ پر حملہ کیا گیا ہے جس سے وہ زخمی ہو گئے ہیں۔
میڈیا رپورٹس کے مطابق فلسطینی طلبا پر تیز دھار آلے سے حملہ کیا گیا جس کے بعد انہیں ہسپتال منتقل کر کے طبی امداد دی گئی۔
پولیس نے بتایا ہے کہ فلسطینی طلبا کی ساتھی طالبات کے ساتھ کچھ اوباش لڑکے چھیڑ چھاڑ کر رہے تھے، منع کرنے پر فلسطینی طلبا پر دھاوا بول دیا۔
پولیس کے مطابق وقوعے کا مقدمہ درج کر لیا گیا ہے جس میں 6 ملزمان نامزد ہیں اور اب تک 4 کو گرفتار کیا جا چکا ہے۔
پتوکی(این این آئی) ڈسٹرکٹ جیل قصور سے پتوکی پیشی پر آئے خطرناک ملزم کے فرار پر چار پولیس اہلکاروں کے خلاف مقدمہ درج کر لیا گیا۔
پولیس ذرائع کے مطابق رشید عرف رشیدی نامی ڈاکو سنگین مقدمات میں ملوث ہے، ملزم کو ڈسٹرکٹ جیل قصور سے پتوکی پیشی پر لایا گیا جہاں سے وہ فرار ہو گیا۔
خطرناک ملزم کے فرار ہونے پر تھانہ سٹی میں 4 پولیس اہلکاروں کے خلاف مقدمہ درج کر لیا گیا۔ پولیس کے مطابق ملزم قتل، ڈکیتی اور منشیات جیسے سنگین جرائم میں ملوث ہے۔
ڈی پی او قصور نے ملزم کی گرفتاری کیلئے مختلف ٹیمیں تشکیل دے دی ہیں۔
ہنگو کی مسجد میں جمعہ کو ہونے والے خود کش دھماکے کا مقدمہ درج کر لیا گیا ہے، پولیس کی جانب سے حملہ آور کے جسم کے نمونے بھی حاصل کر لیے گئے ہیں۔
پولیس نے بتایا ہے کہ ہنگو میں خود کش دھماکے کی ایف آئی آر ایس ایچ او دوآبہ کی مدعیت میں درج کی گئی ہے۔
نامعلوم افراد کے خلاف درج کیے گئے مقدمے میں دہشتگردی، قتل اور اقدام قتل کی دفعات درج کی گئی ہیں۔
ایف آئی آر میں لکھا گیا ہے کہ 2 نامعلوم موٹرسائیکل سواروں کی جانب سے پولیس اہلکار اور تھانے کے گیٹ پر فائرنگ کی گئی، اس دوران ڈیوٹی پر موجود اہلکار نے جوابی فائرنگ کی، اہلکار کی جانب سے دہشتگرد سے بندوق چھینی گئی۔
مقدمے میں درج ہے کہ ایک خود کش بمبار نے گیٹ کے قریب پہنچ کر خود کو دھماکے سے اڑا لیا۔
