Tag Archives: مینارپاکستان

نواز شریف کے سٹیج پر پہنچنے کے جذباتی مناظر، بھائی ،بیٹی اور پارٹی رہنما آبدیدہ ہو گئے

   21  اکتوبر‬‮  2023    |       اہم خبریں, پاکستان   


لاہور: پاکستان مسلم لیگ ن کے قائد اور سابق وزیراعظم نواز شریف چار سالہ جلاوطنی ختم کرکے وطن واپس پہنچے تو استقبال کے دوران کئی جذباتی مناظر دیکھنے کو ملے ۔

نوازشریف مینار پاکستان گرائونڈ میں پہنچے تو کارکنوں نے فلک شگاف نعروں کے ساتھ استقبال کیا۔ اس دوران جب نوازشریف سٹیج پر پہنچے تو ان کی بیٹی مریم نواز اپنے والد کے ساتھ لپٹ کر روتی رہیں اور والد کی قدم بوسی بھی کی۔اس موقع پر شہبازشریف بھی اپنے بھائی سے گلے لگ کرآبدیدہ ہوگئے اور  پارٹی کے دیگر رہنما بھی انتہائی جذباتی نظرآگئے۔ نوازشریف نے سب کو گلے لگایا۔

۔

مسلم لیگ ن کو مینار پاکستان گرائونڈ میں جلسے کی اجازت

   15  اکتوبر‬‮  2023    |       پاکستان   


مسلم لیگ ن کو مینار پاکستان گرائونڈ یعنی گریٹر اقبال پارک میں 21 اکتوبرکو جلسےکی اجازت مل گئی ۔
لاہور کی ضلعی انتظامیہ نے مسلم لیگ ن کو حلف نامے کے بعد جلسےکی اجازت دی ہے۔
جلسے کے لئے ضلعی انتظامیہ کے اجازت نامہ کی شرائط میں کہا گیا ہے کہ پارکس اینڈ ہارٹیکلچر اتھارٹی سے الگ سے اجازت لینا ہوگی۔
مسلم لیگ ن سے لیے گئے حلف نامے میں کہا گیا ہے کہ کسی بھی قسم کا نقصان پہنچنے پرپارکس اینڈ ہارٹیکلچر اتھارٹی رقم وصول کرے گی۔
ضلعی انتظامیہ کا کہنا ہے کہ جلسہ آرگنائزر سکیورٹی اور ٹریفک سے متعلق متعلقہ حکام سے مسلسل رابطے میں رہیں گے، ٹریفک پولیس ٹریفک پلان اور ٹریفک ایڈوائزری جاری کرے گی۔

نواز شریف زیادہ طاقتور ہو کرآرہے ہیں،نکالنے والے عبرت کانشان بن گئے، مریم نواز

   1  اکتوبر‬‮  2023    |       اہم خبریں, پاکستان   


پاکستان مسلم لیگ ن کی چیف آرگنائزر مریم نواز نے کہا ہے کہ ’نواز شریف سے سب کچھ چھیننے والے عبرت کا نشان بنے ہوئے ہیں۔
لاہورمیں مسلم لیگ ن کے کارکنوں سے خطاب کرتے ہوئے مریم نواز کاکہناتھا کہ نوازشریف کوجب بھی نکالا گیا تو وہ زیادہ طاقتور ہو کرواپس آئے۔
مریم نوازکاشاہدرہ میں خطاب کے دوران کہناتھا کہ وہ 21 اکتوبر کو نواز شریف کی لندن سے وطن واپسی سے پہلے مختلف جگہوں پر جلسے کر کے لوگوں کو مینارِ پاکستان آنے کی دعوت دینا چاہتی ہیں۔


اپنے خطاب میں مریم نواز نے کسی کانام لئے بغیر کہا کہ جن افراد کا نواز شریف کو نکالنے میں کردار تھا وہ آج کہیں دکھائی نہیں دے رہے اور تاریخ کے کوڑے دان میں پڑے ہیں کیونکہ نواز شریف نے اپنا معاملہ اللہ پر چھوڑ دیا تھا۔ مریم نے پی ٹی آئی کی جانب اشارہ کرتے ہوئے کہا کہ ’ان کے لیڈر پر مشکل آئی نہیں اور ان کی جماعت کے ٹکڑے ٹکڑے ہو گئے۔
مریم نوازکاکہناتھا کہ نواز شریف نے سیاسی انتقام تو سہا، جھوٹے مقدمات بھی سہے، جھوٹی سازش بھی سہی، جیلیں بھی سہیں، سزا بھی سہی ، نواز شریف نے جو ذاتی نقصانات اپنے سینے پر برداشت کیے ان کا نہ کوئی اندازہ کرسکتاہے نہ ازالہ کر سکتاہے۔
’آج جب 21 اکتوبر کو نواز شریف رائیونڈ گھر واپس جائے گا تو اس کا استقبال کرنے کے لیے اس کی بیوی اور میری ماں موجود نہیں ہو گی۔ اس کو دعا دینے والی ماں موجود نہیں ہو گی۔ یہ زخم جو اس نے سینے پر کھائے ہیں وہ پوری زندگی نہیں بھر سکتے لیکن نواز شریف واپس ملک اور عوام کے لیے آ رہا ہے
مریم نواز نے کہا کہ 21 اکتوبر کو مہنگائی، بیروزگاری اور دہشتگردی کا خاتمہ کرنیوالا اور پاکستان کے سینے پر لگے زخموں پر مرہم رکھنے والا نواز شریف واپس آرہا ہے ‘
انھوں نے دعویٰ کیا کہ 21 اکتوبر کو دراصل پاکستان سستے بجلی، گیس اور پیٹرول کی بھی واپسی ہو گی