بھارت کے شہر احمدآباد میں پاک بھارت میچ کے جعلی ٹکٹ بیچنے والے 4 افراد کو گرفتار کر لیا گیا۔

آئی سی سی کرکٹ ورلڈ کپ میں پاکستان اور بھارت کے درمیان میچ 14 اکتوبر کو احمدآباد کے نریندر مودی اسٹیڈیم میں کھیلا جائے گا۔

 خبر ایجنسی کی رپورٹ کے مطابق جعلی ٹکٹ 25 گنا مہنگے داموں فروخت ہو رہی ہیں،رپورٹ میں مزید کہا گیا ہے کہ احمدآباد میں ہوائی جہازوں کے کرایوں میں بھی 4 گنا اضافہ دیکھا گیا ہے جبکہ بھارتی ریلوے نے ممبئی اور احمد آباد کے درمیان 2 سپر فاسٹ ٹرین چلانے کا فیصلہ کیا ہے۔

میچ والے دن احمد آباد شہر کو نو ڈرون زون قرار دیا گیا، پاک بھارت میچ کے دن شہر میں ڈرونز کے اڑانے پر مکمل پابند ی لگائی گئی۔ میچ والے دن 11 ہزار سیکیورٹی اہلکار ڈیوٹی سرانجام دیں گے۔