غزہ میں نہتے فلسطینیوں پر حملہ آور اسرائیلی فوجیوں کو مفت کھانا کھلانے کی سعودی عرب سے وضاحت جاری کردی گئی۔
بین الاقوامی فاسٹ فوڈ چین میکڈونلڈ کی جانب سے اسرائیل میں مفت کھانا تقسیم کرنے کی خبر منظر عام پر آنے کے بعد میکڈونلڈ سعودی عرب نے وضاحتی بیان جاری کیا ہے جس میں انہوں نے کہا ہے کہ یہ اسرائیلی فرنچائز کا خودمختار فیصلہ اور اقدام تھا۔
سوشل میڈیا پلیٹ فارم ایکس پر میکڈونلڈ سعودی عرب نے بیان پوسٹ کیا کہ ’میک ڈونلڈ کی انٹرنیشنل یا کسی بھی ملک میں موجود فرنچائز کے مالک کا اس اقدام کے ساتھ براہ راست یا بالواسطہ کوئی تعلق نہیں ہے.

بيان توضيحي من ماكدونالدز السعودية pic.twitter.com/J6PXxZ7SJQ

— ماكدونالدز السعودية – الوسطى والشرقية والشمالية (@McDonaldsKSA) October 14, 2023

میکڈونلڈ سعودی عرب نے فلسطینی عوام کے ساتھ یکجہتی کا اظہار کیا اور عرب شناخت، حب الوطنی اور سعودی برادری کے لیے اپنی غیر متزلزل وابستگی کو اجاگر کیا۔
بیان میں مزید کہا گیا ہے کہ ’ہماری ذمہ داری صرف سعودی سرحدوں تک محدود ہے اور ہماری قومی سرحدوں سے باہرجو کچھ بھی فرنچائز مالکان کرتے ہیں اس میں ہم کسی طور بھی شامل نہیں ۔‘
بیان میں میکڈونلڈ سعودی عرب کی طرف سے غزہ کے شہریوں کے لیے 20 لاکھ سعودی ریال( 5 لاکھ 33 ہزار ڈالر) عطیہ کا بھی اعلان کیاگیا‘

اسرائیل اور فلسطین کے درمیان جاری کشیدگی سرخیوں کا موضوع بنی ہوئی ہے سوشل میڈیا صارفین بھی اس حوالے سے اپنے جذبات کا بھرپور اظہار کررہے ہیں ۔
اسی دوران معروف ملٹی نیشنل فاسٹ فوڈ چین کی جانب سے اسرائیلی فوج کے لئے مفت کھانے کی فراہمی نے مظلوم فسلطینیوں کے حق میں آواز اٹھانے والوں کو شدید مایوس کیا ہے۔
اس اقدام کے خلاف دنیا بھر میں ’بائیکاٹ مکڈونلڈ‘ کا ٹرینڈ مقبول ہورہا ہے۔
فوڈچین نے اسرائیلی فوجیوں کو مفت کھانا بھیجنے کا اعلان اپنے آفیشل اسرائیلی برانچ انسٹاگرام ہینڈل پر تصاویر کے ساتھ کیا۔
مکڈونلڈزاسرائیل کا کہنا ہے کہ انہوں نے پانچ شاخیں کھولی ہیں جو ’صرف سیکیورٹی اور ریسکیو فورسز کو امداد اور عطیات سے متعلق ہیں، ہر روز ہم تقریباً 4 ہزار میلزعطیہ کریں گے۔
مسلم دنیا کی جانب سے اس پر سخت ردعمل کا اظہار کیا گیا ہے۔ سوشل میڈیا صارفین نے غزہ کی صورتحال پر افسوس کا اظہار کرتے ہوئے کہا کہ فلسطینیوں کو اس مشکل وقت میں خوراک کے بغیر ایسے ہی چھوڑ دیا گیا ہے۔