نگراں وزیراعظم پاکستان انوارالحق کاکڑ نے ممتاز عالم دین علامہ طاہر اشرفی کو اپنا نمائندہ خصوصی مقرر کر لیا ہے۔
نگران وزیراعظم کی جانب سے علامہ طاہر اشرفی کو مڈل ایسٹ اوراسلامی ممالک کے لیے بین المذاہب ہم آہنگی کا نمائندہ خصوصی مقرر کیا گیا ہے۔
پرنسپل سیکریٹری ہمراہ وزیراعظم توقیر شاہ کی جانب سے طاہر اشرفی کی تقرری کا نوٹیفکیشن جاری کر دیا گیا ہے۔
یاد رہے کہ طاہر اشرفی اس سے قبل بھی وزرائے اعظم کے ساتھ بحیثیت نمائندہ خصوصی خدمات انجام دے چکے ہیں۔
