کراچی(این این آئی) نیشنل بینک آف پاکستان نے بینکاری میں جدت لانے کیلئے ڈیجیٹل اکائونٹ اوپننگ کے پائلٹ لائونچ کا آغاز کردیا۔
تفصیلات کے مطابق نیشنل بینک آف پاکستان (این بی پی)نے ٹیکنالوجی کے ذریعے بینکاری میں جدت لاتے ہوئے ڈیجیٹل اکائونٹ اوپننگ کے پائلٹ لائونچ کا آغاز کیا ہے۔
نئی سروس کے باقاعدہ آغاز کے بعد صارفین ڈیجیٹل طور پر اپنا اکائونٹ کھول سکیں گے۔ملک بھر میں صارفین کسی بھی وقت کسی بھی جگہ سے این بی پی ڈیجیٹل ایپ ڈائون لوڈ کرنے کے بعد اوپن اکائونٹ پر ٹیپ کرکے آسانی کے ساتھ نیشنل بینک کے ساتھ اپنا اکائونٹ کھول سکیں گے۔
جدت پر مبنی پلیٹ فارم پاکستانی صارفین کیلئے بینکاری کے تجربے میں تبدیلی لانے میں اہم کردار ادا کرے گا۔
این بی پی کی ڈیجیٹل اکائونٹ اوپننگ سروسز جو کسٹمرز ڈیجیٹل آن بورڈنگ فریم ورک (سی ڈی او ایف)سے ہم آہنگ ہیں۔
صارفین کو بہت سارے فوائد پیش کرتی ہے۔این بی پی کے صدر اور سی ای او رحمت علی حسنی نے افتتاحی تقریب کے موقع پر ڈیجیٹل اکائونٹ کھولا۔
انہوں نے اس موقع پر اظہار خیال کرتے ہوئے کہا کہ ڈیجیٹل اکائونٹ سروس سے صارفین آسانی، سیکیورٹی اور سہولت کے ساتھ بینکنگ سروسز استعمال کرسکتے ہیں۔
