پشاور(این این آئی)پشاور ہائی کورٹ نے افغان شہری کو شادی کی بنیاد پرپاکستانی شہریت دینے فیصلہ دیدیا ۔
نجی ٹی وی کے مطابق عدالت عالیہ پشاورکے تحریری فیصلے میں کہا گیا کہ زینت بیگم پاکستانی ہے اور اْس کا شوہر افغان شہری ہے۔ پشاور ہائیکورٹ نے فیصلے میں کہا پاکستانی خاتون کے افغان شوہر کو پاکستانی شہریت دی جائے، عدالت نے حکم دیا کہ خاتون اپنے افغانی شوہر کی شہریت کیلئے وزارت داخلہ میں درخواست جمع کروائے۔