بنگلورو:ورلڈکپ کے لئے بھارت میں موجود پاکستانی کرکٹ ٹیم کے کھلاڑی بیمارپڑ گئے۔
آئی سی سی کرکٹ ورلڈ کپ کے دوران وائرل انفکیشن سے پاکستانی ٹیم کے کیمپ میں موجود6 کھلاڑیوں کے بیمارہونے کی اطلاعات ہیں۔
میڈیا رپورٹس کے مطابق پاکستانی اوپنر عبداللہ شفیق کو انفکیشن کے بعد کورنٹائن کردیا گیا ہے جبکہ دیگر کھلاڑی بھی احتیاطی تدابیر اختیار کررہے ہیں۔
پاکستان ٹیم کے کیمپ میں وائرل انفیکشن کی خبر سوشل میڈیا پرمسلسل ٹرینڈ کرتی رہی اور صارفین اس پر طرح طرح کے تبصرے بھی کر رہے ہیں ۔
سپورٹس ویب سائٹ کرک انفو کے مطابق وائرل انفیکشن کاشکار ہونے والوں میں عبداللہ شفیق کے ساتھ ساتھ سعود شکیل، زمان خان، شاہین شاہ آفریدی بھی شامل ہیں۔
عبداللہ شفیق زیادہ متاثر ہوئے ہیں جنہیں فلو اور بخار کی وجہ سے ہوٹل کے کمرے میں قرنطینہ کردیا گیا ہے۔
اس وائرل فلو کی وجہ سے منگل کو قومی ٹیم کے متعدد کھلاڑی ٹریننگ سیشن میں شریک نہیں ہوئے۔
اس سے قبل قومی ٹیم کے لیگ اسپنر اسامہ میر بھی بھارت کے خلاف میچ سے قبل وائرل کا شکار ہو گئے تھے البتہ جمعہ کو آسٹریلیا کے خلاف میچ سے قبل ان کے ساتھ ساتھ شاہین شاہ آفریدی کے بھی مکمل فٹ ہونے کا امکان ہے۔
پاکستان کرکٹ بورڈ کی جانب سے جاری بیان میں کہا گیا کہ کچھ کھلاڑیوں کو گزشتہ چند دنوں کے دوران بخار رہا البتہ زیادہ تر کھلاڑی مکمل طور پر صحتیاب ہو چکے ہیں۔
انہوں نے کہا کہ جو کھلاڑی بحالی کے عمل سے گزر رہے ہیں، وہ پاکستان کرکٹ بورڈ کی کڑی نگرانی میں ہیں