پشاور: خیبرپختونخوا پبلک سروس کمیشن نے پراونشل مینجمنٹ آفیسر کی 95 آسامیوں کے لئے ہونے والے مقابلے کے امتحان کے نتائج کا اعلان کردیا ۔
خیبرپختونخوا پبلک سروس کمیشن کوپی ایم ایس امتحان کے لئے 32793 درخواستیں موصول ہوئی تھیں، جن میں 6687 امیدواروں نے امتحان میں حصہ لیا۔
تحریری امتحان میں 226 امیدوار کامیاب قرار پائے ہیں اورکامیابی کی شرح 3.3 فیصد رہی۔ کامیاب امیدواروں کو اب نفسیاتی ٹیسٹ کے لئے بلایا جائے گا جس کے بعد ان سے زبانی امتحان بھی لیا جائے گا۔
