2023 کا دوسرا اور آخری چاند گرہن ہفتہ اور اتوار کی درمیانی شب ہوا جس کا نظارہ پاکستان سمیت دنیا کے بیشتر ممالک میں کیا گیا۔

پاکستان میں چاند کو جزوی گرہن لگا، چاند پر گرہن رات 11بج کر دو منٹ پر لگنا شروع ہوا اور رات ایک بج کر 14منٹ پر عروج پر پہنچا۔

چاند گرہن کا مجموعی دورانیہ 4گھنٹے 24منٹ رہا جو علی الصبح 3بج کر 26منٹ پر اختتام پذیر ہوگیا۔

چاند گرہن کا نظارہ پاکستان سمیت ایشیا، آسٹریلیا، امریکا، افریقہ اور اٹلانٹک کے ممالک میں کیا گیا.

2023 کا دوسرا اور آخری چاند گرہن 28 اور 29 اکتوبر کی درمیانی شب ہو گا۔

محکمہ موسمیات کے مطابق جزوی چاند گرہن کا نظارہ پاکستان میں بھی کیا جاسکے گا۔

چاند گرہن کا آغاز 28 اکتوبر کو پاکستان کے معیاری وقت کے مطابق رات 11 بج کر 02 منٹ پر ہو گا۔

29 اکتوبر کو رات 1 بج کر 14 منٹ پر چاند گرہن اپنے عروج کو پہنچے گا جبکہ اس کا اختتام 29 اکتوبر کی رات 3 بج کر 26 منٹ پر ہو گا۔