پٹرولیم مصنوعات کی قیمتوں میں کمی کے بعد عوام کو فوری ریلیف دینے کیلئے حکومتی کوششیں بارآور ثابت ہونے لگی ہیں۔ ضلعی انتظامیہ لاہور کے مختلف ایسوسی ایشنز سے مذاکرات میںاشیائے ضروریہ قیمتوں میں کمی پر اتفاق کرلیا گیا۔
انتظامیہ نے غلہ منڈی، فروٹ و سبزی منڈی، پولٹری ایسوسی ایشنز سے مذاکرات کئے ۔ پرائس فکسیشن کمیٹی کی سفارشات پر اشیاء ضروریہ کی نئی قیمتوں کا اعلان کردیا گیا ہے۔
ڈی سی لاہور رافعہ حیدر نے کہا ہے کہ چاول کی قیمت میں 25 روپے فی کلوکی کمی کر دی گئی ، دال چنا کی قیمت میں 15 روپے فی کلو کمی کی گئی ، دال مسور کی قیمت میں 30 روپے فی کلو کی کمی ہو گی ۔
اسی طرح کالا چنا کی قیمت میں 10 روپے فی کلو کمی ہوگی، جبکہ بیسن کی قیمت میں 20 روپے فی کلو کمی کر دی گئی ہے۔
ڈی سی لاہور رافعہ حیدر کا کہنا تھا کہ سفید چنا کی قیمت میں بھی 30 روپے فی کلوکمی کی گئی ہے۔