دنیا کی کسی بھی زبان میں خبریں پڑھنے کے لیے یہاں کلک کریں۔
ملک بھر میں یوٹیلیٹی سٹورز پر چینی 8 روپے فی کلو مہنگی کردی گئی ہے۔
میڈیا رپورٹس کے مطابق سبسڈی اور غیر سبسڈی والی چینی کی فی کلو قیمت میں 8 روپے کا اضافہ کیا گیا ہے۔
عام صارفین کے لیے فی کلوچینی کی قیمت 155روپے ،بی آئی ایس پی صارفین کے لیے فی کلو قیمت 109 روپے مقرر کی گئی ہے۔
چینی کی قیمتوں میں اضافے کا اطلاق فوری ہوگا۔
یوٹیلیٹی اسٹورز کارپوریشن چینی کی خریداری میں کامیاب ہوگئی ،20 ہزار میٹرک ٹن چینی خرید لی جس کے باعث یوٹیلیٹی اسٹورز پر چینی کا بحران ختم ہو گیا ۔
یوٹیلیٹی اسٹورز ذرائع کے مطابق اخراجات ملا کر کارپوریشن کو فی کلو چینی تقریباً 150 روپے میں پڑے گی جو چند روز میں یوٹیلیٹی اسٹورز پر دستیاب ہو گی۔
ذرائع کے مطابق یوٹیلیٹی اسٹورز پراسٹاک ختم ہونے کے باعث چینی کا بحران ہے، اسٹورز کیلئے چینی کا 40 ہزار میٹرک ٹن چینی کا ٹینڈر کھولا گیا تھا جس پر 135 روپے 27 پیسے فی کلو کیحساب سے کم سے کم بولی ملی تھی۔
