کشمیر پر غیرقانونی طور پر قابض بھارت نے کشمیریوں کے حقوق پر ایک اور ڈاکا ڈالتے ہوئے لیتھیئم کے ذخائر فروخت کرنے کا فیصلہ کرلیا ہے۔

غیرملکی میڈیا رپورٹس کے مطابق رواں برس مقبوضہ کشمیر کے ضلع ریاسی میں دریافت ہونے والے لیتھیئم کے ذخائر کو فروخت کرنے کا فیصلہ کر لیا گیا ہے، مودی سرکار کا پلان ہے کہ انتخابات سے قبل 6 ملین ٹن کے ذخائر فروخت کر دیئے جائیں۔

عالمی ماہرین کا موقف ہے کہ جب تک مسئلہ کشمیر حل نہیں ہو جاتا کشمیر کے قدرتی وسائل کا بے دریغ استعمال غیر قانونی ہے اور یہ چوری کے زمرے میں آتا ہے۔

عالمی اداروں کے مطابق مقبوضہ کشمیر میں دریافت ہونے والے لیتھیئم کے ذخائر دنیا کے ساتویں بڑے ذخائر ہیں۔