بھارتی فلم انڈسٹری بالی وڈ کے سپر اسٹار سلمان خان اور ممتاز اداکارہ کترینہ کیف کی نئی فلم ’ٹائیگر 3‘ کا پہلا گانا ریلیز ہو گیا ہے جسے پسند کیا جا رہا ہے۔

بالی وڈ اسٹار سلمان خان نے سماجی رابطے کی ویب سائٹ ایکس پر پر اپنی فلم کے گانے کی ویڈیو شیئر کی جو وائرل ہو رہی ہے۔

سلمان خان نے گانا شیئر کرتے ہوئے کیپشن میں لکھا کہ امید ہے ہماری آنے والی فلم کا گانا آپ سب کو بہت پسند آئے گا۔

ٹائیگر 3 کے لیے یہ گانا معروف بھارتی گلوکار ارجیت سنگھ نے گایا ہے۔

گانے کی ویڈیو جونہی سوشل میڈیا پر وائرل ہو ئی تو مداحوں نے دلچسپ تبصرے شروع کر دیے، سلمان خان اور ارجیت سنگھ کی بے حد تعریف کی جا رہی ہے۔

ممبئی (این این آئی) بالی ووڈ اسٹار وکی کوشل نے کہا ہے کہ اہلیہ کترینہ کیف کو خوش کرنا بہت مشکل کام ہے۔

بھارتی میڈیا کو انٹرویو دیتے ہوئے وکی نے کہا کہ کچھ معاملات میں کترینہ کو مطمئن کرنا بہت مشکل ہے۔

انہوں نے کہاکہ کترینہ کبھی کبھار اپنے لباس کے لیے زیادہ محتاط نہیں ہوتیں لیکن انہیں اچھی غذا کا ذائقہ معلوم ہے اور وہ کھانے کے معاملے میں بہت خاص ذائقہ رکھتی ہیں۔

وکی کوشل نے کہا کہ اگر میں کام پر نہیں جا رہا اور گھر پر ہوں تو کترینہ کی نظر میں میں کاہل ہوں۔

انہوں نے کہاکہ اہلیہ بہت نظم و ضبط والی ہیں لیکن جب ہم دونوں گھر پر ہوں اور کام کے لیے باہر نہیں جانا ہو تو ہم دونوں ہی سست پڑ جاتے ہیں۔

وکی کوشل نے کہا کہ یہ لمحہ بہت خوبصورت ہوتا ہے، دو سست لوگوں کی دعوت سی ہوتی ہے لیکن جب کترینہ کو کوئی کام کرنا ہو تو وہ بالکل کسی جِن کی طرح منظم رہتی ہیں۔