لاہور (این این آئی) نامور گلوکارہ سائرہ نسیم نے کہا ہے کہ نئے آنے والے گلوکاروں کے لئے دعا گو ہوں لیکن میرا تجربہ ہے کہ استاد اور محنت کے بغیر کامیابی نہیں ملتی۔

ایک انٹر ویو میں فلم انڈسٹری کی وجہ سے ہی بہت سے گلوکاروں نے اپنا نام پیدا کیا، فلم انڈسٹری سے صرف فنکار وں کا روزگار وابستہ نہیں بلکہ اس سے گلوکاروں سمیت دیگر کئی شعبے بھی جڑے ہوئے ہیں۔

سائرہ نسیم نے کہا کہ گائیکی مشکل فن ہے اور اس کے لئے گھنٹوں ریاضت کر نا پڑتی ہے۔ میں کسی پر تنقید کی قائل نہیں لیکن یہ ضرور ہے کہ جہاں ضروری سمجھتی ہوں اصلاح کے لئے بتاتی ضرور ہوں، میں نئے آنے والے گلوکاروں کے لئے دعا گو ہوں۔

ان کا کہنا تھا کہ میر امشورہ ہے کہ اس میدان میں کسی استاد سے ضرور تربیت لیں اور اس کے ساتھ بھرپور محنت کریں۔

کھڈیاں خاص (این این آئی) معروف اداکارہ، گلوکارہ، بیوٹیشن غزل شاہ معروف ہوسٹ و اینکر ماجدعلی کی ناگہانی وفات پر روپڑیں۔

اپنے ایک ویڈیو پیغام میں روتے ہوئے غزل شاہ نے کہاکہ ماجد علی میرے بھائیوں جیساتھا اور اس نے اس کی کمی بھی محسوس نہیں ہونے دی تھی وہ واحد بندہ تھا جو میری ہرکامیابی پر خوشی کا اظہار کرتا اور مجھے ڈھیروں دعائیں دیاکرتا تھا۔

انہوں نے کہا کہ ماجد علی کی ناگہانی وفات نے دل بوجھل کردیاہے، یوں لگتا ہے میرے اوپر سے ایک بھائی کا ہاتھ اٹھ گیا ہے۔

غزل شاہ نے کہاکہ ماجد علی جتنا اچھا ہوسٹ تھا اتنا پیارا اور ملنسار انسان بھی تھا، اس فیلڈ میں کوئی اس سے ناراض نہیں تھا بلکہ سب اس سے خوش تھے اوراسکی عزت کیا کرتے تھے کیونکہ اس نے جس کسی کو بھی بلایا عزت احترام سے بلایا۔

غزل شاہ نے کہاکہ اس کی وفات کا ابھی تک یقین نہیں ہو رہا اور مدتوں ہوگا بھی نہیں دل خون کے آنسو رو رہا ہے۔ اللہ اسے کروٹ کروٹ جنت نصیب کرے۔