بھارتی کرکٹ بورڈ نے آل رائونڈر ہاردک پانڈیا کی انجری سے متعلق بیان جاری کر دیا ہے۔
بی سی سی آئی نے بتایا ہے کہ ہاردک پانڈیا کو بائیں ٹخنے کی انجری کے باعث ڈاکٹرز نے آرام کا مشورہ دیا ہے، ہاردک پانڈیا آج ٹیم کے ساتھ دھرم شالا نہیں جا رہے وہ لکھنئو میں انگلینڈ کیخلاف میچ میں ٹیم کو جوائن کر لیں گے۔
یاد رہے کہ بنگلا دیش کے خلاف میچ کے دوران بھارتی آل رائونڈر ہاردک پانڈیا انجری کا شکار ہو گئے تھے۔
پونے میں ہونے والے میچ کے دوران ہاردک پانڈیا نے بنگلا دیشی بیٹر لٹن داس کا شاٹ روکنے کے لیے سیدھی ٹانگ سے گیند کو روکنے کی کوشش کی تھی۔
ہاردک پانڈیا اس دوران چوٹ کی وجہ سے گرائونڈ میں ہی لیٹ گئے تھے اور بعد میں گرائونڈ سے باہر چلے گئے، اب ان کی انجری کے حوالے سے وضاحت سامنے آ گئی ہے۔
