ایشین گیمز کے ہاکی ایونٹ میں بھارت تاریخ  میں پہلی مرتبہ پاکستان کو بھاری مارجن سے شکست دے کر سیمی فائنل میں پہنچ گیا ہے بھارت نے پاکستان کو 2 کے مقابلے میں 10 گول سے شکست دی ہے۔

چین کے شہر ہانگ زو میں جاری 19ویں ایشین گیمز میں پاک بھارت ہاکی میچ یکطرفہ ثابت ہوا ۔ بھارتی ہاکی ٹیم نے بہتر کھیل کا مظاہرہ کرتے ہوئے پاکستان ہاکی ٹیم کو 2 کے مقابلے میں 10 گول سے ہرا دیا۔ بھارت کی جانب سےکپتان ہرمن پریت سنگھ نے ہیٹ ٹرک  کی انہوں نے 4 گول کئے۔

پاکستان کی جانب سے رانا وحید اور صفیان خان نے ایک ایک گول کیا۔اس شکست کے بعد پاکستان اورجاپان کے درمیان میچ  اہم ہوگیا ہے کیونکہ پاکستان جاپان کے خلاف میچ برابر کرکے بھی سیمی فائنل  میں جاسکتا ہے جب کہ جاپان  کیلئےجیت لازمی ہے۔