ہنگو کی مسجد میں جمعہ کو ہونے والے خود کش دھماکے کا مقدمہ درج کر لیا گیا ہے، پولیس کی جانب سے حملہ آور کے جسم کے نمونے بھی حاصل کر لیے گئے ہیں۔

پولیس نے بتایا ہے کہ ہنگو میں خود کش دھماکے کی ایف آئی آر ایس ایچ او دوآبہ کی مدعیت میں درج کی گئی ہے۔

نامعلوم افراد کے خلاف درج کیے گئے مقدمے میں دہشتگردی، قتل اور اقدام قتل کی دفعات درج کی گئی ہیں۔

ایف آئی آر میں لکھا گیا ہے کہ 2 نامعلوم موٹرسائیکل سواروں کی جانب سے پولیس اہلکار اور تھانے کے گیٹ پر فائرنگ کی گئی، اس دوران ڈیوٹی پر موجود اہلکار نے جوابی فائرنگ کی، اہلکار کی جانب سے دہشتگرد سے بندوق چھینی گئی۔

مقدمے میں درج ہے کہ ایک خود کش بمبار نے گیٹ کے قریب پہنچ کر خود کو دھماکے سے اڑا لیا۔