دنیا کی کسی بھی زبان میں خبریں پڑھنے کے لیے یہاں کلک کریں۔
فیڈرل بورڈ آف ریونیو نے یوٹیلٹی اسٹورز کے منجمد بینک اکاؤنٹس بحال کردیے ہیں۔
تفصیلات کے مطابق ایف بی آر نے کمرشل بینکوں کو یوٹیلیٹی اسٹورز کے بینک اکاؤنٹس فعال کرنے کیلیے خط لکھ دیا ہے، جس میں اسلام آباد ہائیکورٹ کے25 اکتوبر 2023کے فیصلے کا حوالہ دیا گیا ہے۔
یوٹیلیٹی اسٹورز حکام نے بتایا ہے کہ اب تنخواہیں بھی جاری ہوگئی ہیں۔
یاد رہے ایف بی آرنے یوٹیلٹی اسٹور کے ذمہ واجب الادا 8 ارب روپے کے ٹیکس واجبات کی ریکوری کیلیے تمام اکاؤنٹس منجمد کر دیے تھے ۔
یوٹیلیٹی اسٹورز کارپوریشن چینی کی خریداری میں کامیاب ہوگئی ،20 ہزار میٹرک ٹن چینی خرید لی جس کے باعث یوٹیلیٹی اسٹورز پر چینی کا بحران ختم ہو گیا ۔
یوٹیلیٹی اسٹورز ذرائع کے مطابق اخراجات ملا کر کارپوریشن کو فی کلو چینی تقریباً 150 روپے میں پڑے گی جو چند روز میں یوٹیلیٹی اسٹورز پر دستیاب ہو گی۔
ذرائع کے مطابق یوٹیلیٹی اسٹورز پراسٹاک ختم ہونے کے باعث چینی کا بحران ہے، اسٹورز کیلئے چینی کا 40 ہزار میٹرک ٹن چینی کا ٹینڈر کھولا گیا تھا جس پر 135 روپے 27 پیسے فی کلو کیحساب سے کم سے کم بولی ملی تھی۔
