پاکستان مسلم لیگ ن کے قائد نواز شریف کی وطن واپسی کی تیاریاں جاری ہیں، نواز شریف 21 اکتوبر کو دوپہر 12 بجے لاہور ایئرپورٹ پر لینڈ کریں گے۔
نوازشریف اس وقت سعودی عرب میں ہیں جہاں سے وہ یو اے ای روانہ ہوں گے اور وہیں سے وطن واپسی کے لیے ان کا طیارہ اڑان بھرے گا۔
نواز شریف جس خصوصی طیارے کے ذریعے وطن واپس تشریف لا رہے ہیں اس میں 152 افراد سوار ہوں گے۔
نواز شریف کے ہمراہ خصوصی طیارے میں مسلم لیگ ن کے کارکنان کے علاوہ صحافی بھی موجود ہوں گے۔
میڈیا رپورٹس کے مطابق نواز شریف لاہورایئرپورٹ پر لینڈ کرنے کے بعد جلسے میں لوگوں سے خطاب کریں گے۔ مسلم لیگ ن کی جانب سے نواز شریف کی وطن واپسی پر جلسے کے لیے گریٹراقبال پارک کے مقام کا انتخاب کیا گیا ہے اور جلسے کی تیاریاں جاری ہیں۔
