ایف آئی اے سائبر کرائم نے  خاتون کو جنسی طور پر ہراساں اور بلیک میل کرنے و الے چار ملزمان کو گرفتار کر لیا۔ 

ترجمان کے مطابق سائبر کرائم  سرکل  نے  آن لائن جنسی ہراسگی اور مالی فراڈ میں ملوث 4 ملزمان محمد جمشید، محسن رضا، محمد حفیظ اور سوہان شاہ کو گرفتار کر لیا۔

ملزم محمد حفیظ اور سوہان شاہ نے متاثرہ خاتون کی قابل اعتراض تصاویر اور ویڈیوز فیس بک پر وائرل کیں کیں، ملزمان متاثرہ خاتون کو بلیک میل کرتے رہے اور اس سے  17 لاکھ روپے ہتھیائے، جمشید اور محسن رضا نے خود کو شکایت کنندہ کا دوست ظاہر کرتے ہوئے لاکھوں روپے بٹورے۔

ملزمان کو اسلام آباد اور راولپنڈی کے مختلف علاقوں سے گرفتار کیا گیا،ترجمان ایف آئی اے کا کہنا ہے کہ ملزمان کے خلاف پیکا ایکٹ کے تحت مقدمے درج کرکے تفتیش شروع کر دی ہے۔