اسلام آباد/مظفرآباد ( آ ن لائن ) 8اکتوبر 2005کو آنے والے قیامت خیز زلزلے کے شہداء کی 18ویں برسی آج منائی جا رہی ہے۔

آزاد کشمیرسمیت پاکستان بھر میں بھی شہدا کے ایصال ثواب کے لیے قرآن خوانی اور دعائیہ تقریبات کا انعقاد کیا گیا ہے۔

یاد رہے کہ پاکستان کے بالائی علاقوں میں ہولناک زلزلے کے باعث تقریبا 70 ہزار افراد جاں بحق اور ہزاروں املاک منہدم ہوگئی تھیں۔

ملکی تاریخ کا ناقابل فراموش زلزلہ 8 اکتوبر 2005 کو صبح 8 بجکر 50 منٹ پر آیا، جب آزاد کشمیر، اسلام آباد، ایبٹ آباد، خیبرپختونخوا اور ملک کے بالائی علاقوں پر قیامت ٹوٹ پڑی تھی۔