اسلام آباد (مانیٹرنگ ڈیسک) وفاقی حکومت نے یقین دہانی کرائی ہے کہ اسلام آباد ہائیکورٹ کے ججز کو صدارتی آرڈر کے تحت رہائش گاہیں الاٹ ہوں گی۔
موقر قومی اخبار کی رپورٹ کے مطابق اٹارنی جنرل نے وفاقی حکومت کی طرف سے اسلام آباد ہائیکورٹ کے ججز کو الاٹمنٹ میں کوتاہی تسلیم کر لی۔
اسلام آباد کے جسٹس بابر ستار نے تحریری فیصلے میں کہا کہ اسلام آباد ہائی کورٹ کے ججز کو رہائش گاہوں کی الاٹمنٹ کا معاملہ اکاموڈیشن رولز میں نہیں آتا۔
اسلام آباد ہائیکورٹ کے ججز کو صدارتی آرڈر کے تحت رہائش گاہوں کی الاٹمنٹ پر عمل کیا جائے۔
وزارت ہاوسنگ نے پہلے خالی ہونے والے چار گھروں کی الاٹمنٹ اسلام آباد ہائیکورٹ کے ججز کو کرنے کی یقین دہانی کرا دی۔
جسٹس بابر ستار نے اپنے فیصلے میں عدالتی حکم پر خالی کئے گئے گھر ججز کو الاٹ کرنے سے روکنے کے احکامات جاری کر دئیے۔
عدالت نے حکم دیا کہ ہائیکورٹ آرڈرز پر جو رہائش گاہیں خالی ہوئیں انہیں ججز کو ملنے والی رہائش کیلئے مختص نہ کیا جائے۔
عدالت کا کہنا ہے کہ اکاموڈیشن رولز نہیں بلکہ صدارتی آرڈر کے تحت اسلام آباد ہائیکورٹ کے ججز کو سرکاری رہائش الاٹ ہونی چاہئیں۔
جسٹس بابر ستار نے کنٹریکٹ پر خدمات انجام دینے والی ریٹائرڈ سرکاری افسر سمیرا صدیقی کی الاٹمنٹ منسوخی کیخلاف درخواست خارج کرنے کا تفصیلی فیصلہ جاری کیا۔
