غیرقانونی افغان مہاجرین سمیت دیگر غیرقانونی غیر ملکی تارکین وطن کو پاکستان سے رضاکارانہ طوپر نکل جانےکےلئے دی جانےوالی 31اکتوبر کی ڈیڈ لائن کے بعد اب تک ایک لاکھ 21ہزار 977افغان مہاجرین واپس افغانستان چلے گئے ہیں۔

موقر قومی اخبار کی خبر کے مطابق ذرائع نے بتایا کہ ایک خاند ان کےجانے پر ایک لاکھ پانچ ہزار 789روپے خرچ ہوتے ہیں۔

گزشتہ 15دنوں کے دوران پاکستان میں غیر قانونی طورپر مقیم 37ہزار سے زائد افغان مہاجرین پاک افغان سرحد طورخم اور چمن بارڈر کے ذریعے افغانستان چلے گئے ہیں جبکہ مجموعی طورپر اس سال یکم جنوری سے اب تک ایک لاکھ 21ہزار سے افغان مہاجریں واپس افغانستان جاچکے ہیں ۔

مہاجرین کے عالمی ادارے انٹرنیشنل آرگنائزیشن فار مائیگریشن کی جانب سے جاری کی جانےوالی تازہ ترین رپورٹ کےمطابق اس کے علاوہ، سرحدی حکام نے سفری دستاویزات نہ ہونے کے باعث 614 افغان شہریوں کو زبردستی واپس کر دیا۔

ذر ائع کے مطا بق جانے والو ں میں میں ایسے افغان مہاجرین بھی شامل ہیں جنہیں جبری طورپر واپس افغانستان بھیجاگیا۔

حکومت پاکستان کی جانب سے غیر قانونی غیرملکیوں کو ملک بد ر کرنے کا منصوبہ یکم نومبر سے نافذالعمل ہونے کے باعث پاکستان سے افغان مہاجریں کے انحلا میں بھی تیزی آرہی ہے۔

اسلام آباد (این این آئی)قانونی دستاویزات رکھنے والے افغان شہریوں کو پاکستان میں عارضی رہنے کی اجازت دینے کے حوالے سے نوٹیفکیشن جاری کر دیا گیا۔

جاری کردہ نوٹیفکیشن کے مطابق پی او آر یا اے سی سی کارڈ رکھنے والے افغان مہاجرین پاکستان میں قیام کر سکتے ہیں۔

نوٹیفکیشن میں کہا گیا کہ قانونی دستاویزات رکھنے والے افغان مہاجرین کو تحفظ حاصل ہو گا۔

وفاقی کابینہ کے آئندہ فیصلے تک رجسٹرڈ افغان مہاجرین عارضی قیام کر سکتے ہیں۔

نوٹیفکیشن میں متعلقہ اداروں کو ہدایت کی گئی کہ رجسٹرڈ افغان مہاجرین کو گرفتار نہ کیا جائے۔

واضح رہے کہ گزشتہ روز وزارت سرحدی و ریاستی امور نے کہا تھا کہ قانونی دستاویزات کے حامل افغان مہاجرین کو جبری واپس نہ بھیجا جائے۔

وزارت سیفران کے مطابق پروف آف رجسٹریشن اور افغان سٹیزن کارڈ والوں کو عارضی طور پر رہنے کی اجازت ہے۔

لاہور (مانیٹرنگ ڈیسک ) پاکستان ان ممالک میں شامل ہے جہاں بیرون ممالک سے پناہ گزیں کثیر تعداد میں رہائش پذیر ہیں ۔ ان میں37لاکھ افغان باشندے بھی شامل ہیں ۔ جو1979 ء میں افغانستان پر سوریت یونین کے حملے کے بعد نقل مکانی کرکے پاکستان آگئے تھے۔

موقر قومی اخبار کی خبر کے مطابق پاکستان اپنی بین الاقوامی سر حدوں کا تقدس بحال کرنے کے لئے 17لاکھ غیر قانونی تا رکین وطن کو بے داخل کرنا چاہتا ہے ۔

اقوام متحدہ کے ہائی کمیشن برائے پناہ گزیں (یو این ایچ سی آر) کی ایک رپورٹ کے مطابق رواں سال جون تک پاکستان میں رجسٹرڈ افغان پناہ گزینوں کی تعداد 13لاکھ ہے ۔

ان کے علاوہ 10لاکھ بنگلہ دیشی بھی پاکستان میں غیر قانونی طور پر آباد ہیں ۔ جو صرف کراچی میں رہتے ہیں ۔

کراچی میں بنگالی برادری کی افراد ی قوت 20لاکھ بتاتی جاتی ہے ۔ جن کے پاس شناخت کے لئے کوئی سرکاری دستاویزات نہیں ہیں ۔

امریکی تھنک ٹینک پیور یسرچ سنٹر واشنگٹن کی رپورٹ کے مطابق امریکا میں تارکین وطن کی تعداد 4کروڑ 41لاکھ ، جرمنی میں ایک کروڑ21لاکھ 70ہزار ، روس میں ایک کروڑ 16 لاکھ 50ہزار ، برطانیہ میں88لاکھ 40ہزار ،فرانس میں79لاکھ ، کینیڈا میں78لاکھ 60ہزار ، آسٹر یلیا میں 70لاکھ 4ہزار ، اسپین میں59لاکھ 50ہزار اور جنوبی افریقا میں40لاکھ 4ہزار ہے ۔

جن دیگر ممالک میں پناہ گزیں رہتے ہیں ۔ ان میں جاپان (23لاکھ )ہالینڈ (20لاکھ ) اسرائیل 19لاکھ سو ئیڈن 17لاکھ 50ہزار ، میکسیکو 12لاکھ یونان 12لاکھ ، پولینڈ 6لاکھ 40ہزار اور ہنگری 5لاکھ شامل ہیں۔