مکوآنہ (این این آئی)حکومت پنجاب کا خریداروں کیلئے احسن اقدام، حکومت نے شہریوں کی شکایات درج کر وانے کیلئے کنزیومر ایپ متعارف کروا دی جسکی مدد سے شہری گھر بیٹھے ہی اپنی شکایات کا اندراج کروا سکیں گے۔
تفصیل کے مطابق پنجاب حکومت نے شہریوں کو ناقص اشیاء فروخت کر نے والے قانون شکنوں کے خلاف گھیرا تنگ کرنے کا فیصلہ کیا ہے،اسی سلسلہ میں پنجاب حکومت نے کنزیوکورٹ سروسز ایپ متعارف کروادی ہے جس کے ذر یعے خریدار اب ناقص، ایکسپائراشیاء وغیرہ فروخت کرنے والے کیخلاف گھر بیٹھے کیس کر سکے گا۔
ایپ پر شہری لیگل نوٹس، خریداری کی رسید اور شناختی کارڈ اپلوڈ کرکے کیس دائر کر سکیں گے، شہری چند روپے کی چیز بھی غیر معیاری ہونے پر کنزیومر کورٹ سے رجوع کرسکیں گے،ایپ کے بعد شہری اب وکیل کی فیس سمیت دیگر اخراجات سے بچ سکیں گے۔
