حیدر آباد (این این آئی)حیدرآباد الیکٹرک سپلائی کمپنی (حیسکو) کے ترجمان نے کہا ہے کہ بجلی کا بل نہ بھرنے پر کسٹمز ہائوس حیدرآباد کی بجلی کاٹ دی گئی۔

ترجمان حیسکو کے مطابق بل نہ بھرنے پر ایف بی آر کالونی اور بجلی تقسیم کار کمپنی این ٹی ڈی سی کالونی کی بجلی بھی کاٹ دی گئی۔

حیسکو کے مطابق این ٹی ڈی سی کالونی حیدرآباد پر 7 کروڑ روپے کے واجبات ہیں۔ ترجمان حیسکو نے کہا کہ کسٹمز ہائوس پر 53 لاکھ روپے کے واجبات ہیں جبکہ ایف بی آر پر بجلی کے بل کی مد میں 7 لاکھ روپے کے واجبات ہیں۔