واشنگٹن(این این آئی)سیکرٹ سروس ایجنٹوں اور وائٹ ہاوس کے عملے کے افراد کو کاٹنے والے امریکی صدربائیڈن کے پالتو کتے کمانڈر کو وائٹ ہائوس سے نکال دیا گیا۔

غیرملکی خبررساں ادارے کے مطابق ترجمان وائٹ ہائوس نے کہاکہ صدر جو بائیڈن کے کتے کمانڈر کو وائٹ ہائوس سے ہٹا دیا گیا ہے۔

پالتو کتے دو سالہ جرمن شیفرڈ کو نامعلوم مقام پر بھیجا گیا ۔حکام کا کہنا تھاکہ کمانڈر فی الحال وائٹ ہائوس کے کیمپس میں نہیں ہے جبکہ اگلے اقدامات کا جائزہ لیا جا رہا ہے۔

امریکی میڈیا نے گزشتہ دنوں کمانڈر کے وائٹ ہاس کے عملیاور سیکرٹ سروس ایجنٹوں کو کاٹنے کی خبریں دی تھیں۔رپورٹس کے مطابق آخری بار کمانڈر کو وائٹ ہائوس میں 30 ستمبر کو دیکھا گیا تھا۔