اسلام آباد (شیراز راٹھور) برطانیہ کی جانب سے نوجوان صحافیوں کے ساوتھ ایشیا جرنلزم فیلو شپ کے لیے اہم موقع فراہم کر دیا گیا. تفصیلات کے مطابق جمعہ کے روز برطانوی ہائی کمیشن کے ڈائریکٹر کمیونیکیشن پون ڈھنڈےاور پاکستان میں چیونگ

سکالر شپ کمیونیکیشن  کی سربراہ شہلا قیوم نے اسلام آباد نیشنل پریس کلب میں صحافیوں کو بریفنگ دیتے ہوئے بتایا کہ پاکستان کے نوجوان صحافیوں کی اکثریت کو جرنلزم فیلو شپ کے حوالے سے آگاہی ہی نہیں ہوتی جس کے باعث بہت سارے اچھے  صحافی اس طرح کے اہم پروگرام سے فائدہ حاصل نہیں کر سکتے انہوں نے کہا کہ چیونن انٹرنیشنل اسکالرشپ دنیا کے اہم اور مشہور وظائف میں سے ایک ہے اور یہ اسکالرشپ برطانوی حکومت کی جانب سے 1983 سے فراہم کی جارہی ہے جس کا مقصد قابل طلبہ کو تلاش کرنا ہے تاکہ ان کی صلاحیتوں کو مزید نکھارا جاسکے۔
اس اسکالرشپ کو برطانوی فارن اینڈ کامن ویلتھ آفس کی طرف سے مالی مدد فراہم کی جاتی ہے اور یہ ماسٹرز ڈگری ہولڈر  طلباء کو دی جاتی ہے

شیوننگ اسکالرشپ برطانیہ میں تعلیم کے دوران اپنے پیشہ ورانہ اور تعلیمی مستقبل کو ترقی دینے میں ان کی مدد کرتی ہے، جہاں وہ برطانوی ثقافت کو دیکھتے ہیں اور آپس میں مضبوط تعلقات استوار کرتے ہیں اس سے ان کو مستقبل میں فائدہ ہو سکتا ہے ۔

چیونگ اسکالرشپ کے لیے درخواست دینے کی آخری تاریخ 11 اکتوبر ہے اس میں عمر کی کوئی حد نہیں اور یہ بھی ضروری نہیں کہ صحافی کسی ادارے سے منسلک ہو اس پروگرام کا سب سے بڑا فائدہ یہ ہے کہ سکالر شپ حاصل کرنے والے صحافیوں کو بی بی سی جیسے بڑے عالمی اداروں کے ساتھ تجربہ حاصل کرنے کا موقع بھی ملتا ہے.چیوننگ اسکالرشپ کے لیے رجسٹریشن اکتوبر 2023 کی تیسری تاریخ سے شروع ہوتی ہے اور نومبر 2023 کے تیسرے دن تک جاری رہتی ہے، اس عرصے کے دوران، طلباء تمام ضروری دستاویزات تیار کر سکتے ہیں یہ مشورہ دیا جاتا ہے کہ دستاویزات رجسٹریشن کی مدت شروع ہونے سے پہلے تیار ہو جائیں۔ .

طالب علم کی منتخب یا مسترد ہونے کا انحصار اس بات پر ہوتا ہے کہ وہ اپنے آپ کو کس انداز میں پیش کرتا ہے۔ اگر یہ مخصوص اور پرکشش ہے تو سلیکشن کمیٹی اس کا انتخاب کرے گی
اسکالرشپ کے لیے اکثر مقابلہ بہت سخت ہوتا ہے اور اس اسکالرشپ کے لیے ہر سال ہزاروں طلبہ درخواست دیتے جن میں سے پاکستان سے 50 منتخب ہوتے ہیں.