نگران حکومت کی جانب سے سرکاری حج سکیم کے تحت فی حاجی گیارہ لاکھ روپے وصول کرنے کا فیصلہ کیا گیا ہے۔
میڈیا رپورٹس کے مطابق وفاقی کابینہ کو 2024 ء کی حج پالیسی منظوری کے لئے بھیج دی گئی ہے، ڈالر کا بوجھ کم کرنے کے لئے اسپانسر شپ اسکیم آئندہ برس بھی جاری رکھنے کا فیصلہ کیا گیا ہے۔
2024ء حج پر اٹھائیس کروڑ ڈالر خرچہ ہو گا اور دس ہزار عازمین اسپانسر شپ اسکیم کے تحت حج ادا کر سکیں گے۔
ذرائع کے مطابق اسکیم کے تحت حج اخراجات کیلئے رقم ڈالروں میں وصول کی جائے گی۔
یاد رہے کہ اخراجات زیادہ ہونے کی وجہ سے بیشتر افراد پچھلے سال حج کی سعادت حاصل نہیں کرسکے تھے۔
