لاہور( این این آئی) معروف ڈرامہ رائٹر و اداکار افتخار عفی نے کہا ہے کہ ہمارے ہاں میرٹ کی کوئی قدر نہیں یہاں پر صرف سفارشی کلچر ہی پروموٹ ہوا ہے ۔

ایک انٹر ویو میں انہوں نے کہا کہ یہاں بہت سے ایسے فنکار ہیں جنہوں نے فن کے لئے اپنی زندگیاں وقف کر دیں لیکن ان کی اس قربانی کو تسلیم نہیں کیا گیا ۔

افتخار عفی نے کہاکہ ذوالقرنین حیدر،انعام خان، شہزاد رضا، اسلم شیخ، قیصر جاوید، پرویز رضا، جواد وسیم، انور علی جیسے سینئر اداکار کو دیکھ کر شوبز کی دنیا میں قدم رکھا اور ان لوگوں کو شوبز کی دنیا میں کم سے کم تین سے چا ر دہائیوں کی محنت ہے لیکن انہیں حکومتی سطح پر کبھی انہیں تسلیم نہیں کیا گیا ۔

انہوں نے کہا کہ میری تجویز ہے کہ ایسے سینئر فنکاروں کو تحسین پیش کرنے کے لئے خصوصی تقریبات کا انعقاد ہونا چاہیے ۔

لاہور( این این آئی)سینئر اداکار افتخار عفی نے آئندہ سے ڈراموں میں کام نہ کرنے کا اعلان کر دیا ۔

افتخار عفی نے سوشل میڈیا پر جاری اپنے بیان میں کہا کہ بڑے بزرگ کہتے ہیں کسی چیز کو خیر باد کہنا ہو تو عروج کے زمانے میں کہو ، میں آئندہ سے ڈراموں میں کام نہیں کروں گا ۔

”جیون نگر ”میں راجہ پلستر میرا آخری کردار ہے اس کے بعد میں آپ کو ڈرامہ کرتے ہوئے نظر نہیں آئوں گا،البتہ فلموں اور کمرشل میں کام کرتا رہوں گا۔ انہوں نے کہا کہ میں پرستاروں کی محبتوں کا شکر گزار ہوں جنہوں نے مجھے ہر کردار میں پسند کیا ۔افتخار عفی ان دنوں مسقط میں موجود ہیں۔افتخار عفی رائٹر ، شاعر اور وی لاگر بھی ہیں۔