جماعت اسلامی اسلام آباد کے امیر نصر اللہ رندھاوا سمیت تمام کارکنان کو رہا کر دیا گیا ہے۔
تفصیلات کے مطابق جماعت اسلامی کے سیکریٹری اطلاعات قیصر شریف کی جانب سے جاری بیان میں کہا گیا کہ پولیس نے گزشتہ شام اسلام آباد سے گرفتار تمام کارکنان کو رہا کر دیا جبکہ انتظامیہ نے غزہ مارچ کے لیے ضبط سامان بھی واپس کر دیا ہے۔
غزہ مارچ شیڈول کے مطابق ہوگا اور اختتام ایمبیسی روڈ امریکی سفارتخانہ پر ہوگا۔امیر جماعت اسلامی ساڑھے چار بجے مارچ سے خطاب کریں گے۔
دوسری جانب امیر جماعت اسلامی سراج الحق نے کہا ہے کہ غزہ کے لوگ لاوارث نہیں ہیں ہمارے دل ان کے ساتھ دھڑکتے ہیں۔ غزہ مارچ ہر حال میں ہو گا اور آئندہ کے لائحہ عمل کا اعلان غزہ مارچ میں کریں گے۔
