ممبئی (این این آئی)بالی ووڈ فلم ‘دی اسکائی از پنک’ کو ریلیز ہوئے 4 برس مکمل ہوگئے۔
فلم میں پریانکا چوپڑا، فرحان اختر، روہت صراف اور زائرہ وسیم شامل تھیں۔
روہت صراف نے فلم میں پریانکا کے بیٹے کا کردار ادا کیا تھا، انہوں نے انسٹاگرام پر ویڈیو شیئر کی جس میں دونوں ڈانس کر رہے ہیں۔
روہت نے اس کے علاوہ بھی فلم کی شوٹنگ کے دوران کی کئی تصاویر شیئر کیں۔
انہوں نے کہا کہ اس فلم سے مجھے اتنا کچھ ملا جتنا شاید میں نے سوچا بھی نہیں تھا۔ان کا کہنا تھا کہ پریانکا چوپڑا اور فرحان اختر بہترین ساتھی اداکار ہیں۔
”دی اسکائی از پنک” ایک موٹیویشنل اسپیکر عائشہ چوہدری کی زندگی پر مبنی ہے جنہیں پیدائشی بیماری تھی اور 13 برس کی عمر میں بھی انہیں ایک مرض ہوگیا تھا۔
عائشہ چوہدری 2015 میں 18 برس کی عمر میں انتقال کرگئی تھیں، فلم میں ان کا کردار زائرہ وسیم نے ادا کیا ہے۔
