بماکو(این این آئی )کارگو طیارہ شمالی مالی کے شہر گا کے ایئرپورٹ پر لینڈنگ کے دوران گر کر تباہ ہو گیا۔

غیرملکی خبررساں ادارے کے مطابق روسی نجی ملٹری گروپ واگنر نے اس بات کی تردید کی ہے کہ طیارہ اس کا تھاتاہم میڈیا کیی مطابق یہ طیارہ واگنر کا تھا۔

ذرائع نے بتایا کہ طیارہ شمالی مالی کے شہر گا میں کورگوسو کیمپ کے قریب گر کر تباہ ہوا اور اس میں سوار افراد کے حوالے سے صورت حاصل واضح نہیں ہوئی۔

ذرائع نے بتایا کہ طیارہ روسی فضائیہ کا تھا اور یہ الیوشن آئی ایل 76 طیارہ تھا۔

ابتدائی رپورٹس میں کہا گیا تھا کہ طیارہ واگنر کا تھا لیکن گروپ نے فوری طور پر اس بات سے انکار کر دیا کہ طیارہ اس کا تھا۔

واگنر نے ٹیلی گرام پر اپنے قریبی اکانٹس کے ذریعے اس بات کی بھی تردید کی کہ اس کا ایک جنگجو طیارے میں سوار تھا۔