اسلام آباد(این این آئی)سابق اپوزیشن لیڈر قومی اسمبلی اور مسلم لیگ (ن)کے رہنما راجہ ریاض نے کہاہے کہ عام انتخابات فروری کی 15تاریخ کے آس پاس ہو جائیں گے۔

فروری کے درمیان میں الیکشن ہونے ہیں تاخیر نہیں ہو رہی۔

پیپلز پارٹی پراعتماد گیم کھیل رہی ہے، وہ عوام میں تاثر دے رہی ہے کہ وہ فوری الیکشن چاہتی ہے۔

مردم شماری پر دستخط کرنے کا واضح مقصد تھاکہ حلقہ بندیاں ہوں گی،ہوسکتاہے نگراں حکومت کے کچھ لوگوں کی پیپلز پارٹی سمیت دوسروں کے ساتھ دوستی ہو۔

ایک انٹرویومیں راجہ ریاض نے کہاکہ الیکشن فروری میں ہوں گے، فروری کے درمیان میں الیکشن ہونے ہیں تاخیر نہیں ہو رہی۔

راجہ ریاض نے پیپلز پارٹی پر تنقید کی کہ وہ پراعتماد گیم کھیل رہی ہے، پیپلز پارٹی 16ماہ کی حکومت سے خود کو الگ کرنے کی کوشش کر رہی ہے،وہ عوام میں تاثر دے رہی ہے کہ وہ فوری الیکشن چاہتی ہے۔

انہوں نے کہاکہ مردم شماری پر دستخط کرنے کا واضح مقصد تھاکہ حلقہ بندیاں ہوں گی۔

پیپلز پارٹی نے بھی مردم شماری پر دستخط کیے اس لیے الیکشن میں تاخیر ہونا تھی۔

انہوں نے کہاکہ بہت سے بیوروکریٹ نگراں حکومت میں آئے ہیں لیکن (ن)لیگ کا کوئی ممبر یا کارکن نگراں حکومت کا حصہ نہیں ہے، کوئی بیوروکریٹ (ن)لیگ سے ہمدردی رکھتا ہے اس کا کارکن تو نہیں۔

راجہ ریاض نے کہا کہ ہوسکتا ہے نگراں حکومت کے کچھ لوگوں کی پیپلز پارٹی سمیت دوسروں کے ساتھ دوستی ہو،ہمدردی رکھنا یا کسی کیلئے نرم گوشہ رکھنے کا مطلب یہ نہیں کہ اس پارٹی کا ممبر ہے۔