لاہور ہائی کورٹ راولپنڈی بینچ میں عوامی مسلم لیگ کے سربراہ شیخ رشید کی گرفتاری کے خلاف درخواست پر سماعت ہوئی۔

میدیا رپورٹس کے مطا بق جسٹس صداقت علی خان کی عدالت میں پیش ہو کر شیخ رشید نے بیان دیا کہ سی پی او اور یہ سب میرے ملزم ہیں، میں فی سبیل اللّٰہ انہیں معاف کرتا ہوں۔

شیخ رشید احمد کے عدالت میں دیے گئے بیان کے بعد عدالت نے درخواست نمٹا دی۔

علاوہ ازیں میڈیا سے گفتگو کرتے ہوئے کہا شیخ رشید نے کہا کہ میری گرفتاری کے پیچھے سی پی او راولپنڈی کا چہرہ چھپا ہے۔

مجھے گرفتار پولیس نے کیا اور بدنام دوسرے لوگوں کو کیا گیا، ہمارے گھر کے ملازم، خواتین اور بچوں تک کو نہیں چھوڑا گیا۔

عوامی مسلم لیگ کے سربراہ اور سابق وزیر داخلہ شیخ رشید احمد چلہ کشی کے بعد اپنی سابقہ معمولات زندگی کے مطابق سامنے آگئے ۔

تفصیلات کے مطابق شیخ رشید احمد ٹریک سوٹ میں چند ساتھیوں کے ہمراہ ناشتہ کیلئے مقامی ہوٹل پہنچ گئے ۔۔

شیخ رشید احمد نے چاندنی چوک میں نہاری اور حلوہ پوری کیساتھ ناشتہ کیا ۔

موقع پر موجود شہریوں اور ہوٹل ملازمین نے ان کے ساتھ سیلفیاں بھی بنوائیں ۔