راولپنڈی (این این آئی)راولپنڈی میں غیرقانونی ہاسنگ سوسائٹیز کے خلاف آپریشن کے دوران روات میں مزید 16 غیرقانونی ہاسنگ سوسائٹیز کو مسمار کردیا گیا۔
ڈی جی راولپنڈی ڈیولپمنٹ اتھارٹی کے مطابق غیر قانونی ہاسنگ اسکیموں کے خلاف آپریشن شہریوں سے فراڈ اور لوٹ مار روکنے کیلئے کیا جارہا ہے۔
غیر قانونی ہاسنگ اسکیموں کے مالکان زمینوں پر ناجائز قبضوں میں بھی ملوث ہیں۔
ڈی جی نے شہریوں کو ہدایت کرتے ہوئے کہا کہ شہری ہاسنگ اسکیموں میں سرمایہ کاری سے قبل متعلقہ حکام سے رابطہ کریں۔
دوسری جانب آر ڈی اے نے سوشل میڈیا پر غیر قانونی ہاسنگ اسکیموں کی تشہیر روکنے کیلئے ایف آئی اے کو بھی خط لکھ دیا ہے۔
