لاہور میں سکول کے سامنے سے طالبعلم کو کار سواروں نے اغوا کر لیا۔
طالبعلم کے اغوا کی ویڈیو بھی سامنے آگئی ہے جس میں اغوا کاروں کے چہرے شناخت کئے جاسکتے ہیں ۔
طالبعلم سکول کے سامنے پارکنگ میں کھڑا تھا کہ اس دوران ایک شخص نے پہلے موٹرسائیکل ٹگرا کر طالبعلم کو گرانے کی کوشش کی پھر اس کے ساتھی اغوا کار بھی آگئے اور طالبعلم کو زبردستی کار میں ڈالنے کی کوشش کی ۔
اغوا کاروں نے طالب علم پر تشدد بھی کیا،طالبعلم تشدد کے باوجود کافی دیر تک مزاحمت کرتا رہاہے اور ایک مرتبہ کار سے نکلنے میں بھی کامیاب ہوگیا۔
مسلح ملزمان نے طالب علم کی مدد کےلیے قریب آنے والے افراد کو اسلحہ دکھا کر ڈرایا دھمکایا اور دوبارہ گھیرے میں لے کر زبردستی کار میں ڈال لے گئے۔
تھانہ ستو کتلہ پولیس نے واقعہ کا مقدمہ درج کر کے اغوا کاروں کی تلاش شروع کردی ہے اور ملزمان کی گرفتاری کے لئے سی سی ٹی وی ویڈیوز سے مدد لی جارہی ہے۔
سوشل میڈیا پر زیر گردش اطلاعات کے مطابق نوجوان ارحم کو اپنے تایا کے قتل کیس کی پیروی کرنے پر مخالفین نے اغوا کیا۔
