دبئی(این این آئی)ورلڈ کپ 2023ء میں مجموعی طور پر پرائز منی میں 10 ملین امریکی ڈالر رکھے گئے ہیں۔
آئی سی سی اعلامیے کے مطابق بھارت میں کھیلے جارہے اس ایونٹ کی فاتح ٹیم کو 4 ملین جبکہ رنرز اپ ٹیم 2 ملین ڈالرز ملیں گے۔
ورلڈ کپ 2023ء کا آغاز 5 اکتوبر 2023ء کو نریندر اسٹیڈیم احمد آباد میں ہوگا اور فائنل بھی اسی میدان پر 19 نومبر کو کھیلا جائے گا۔
آئی سی سی اعلامیے کے مطابق سیمی فائنل ہارنے والی ٹیم کو 8 لاکھ ڈالر دیے جائیں گے۔اعلامیے کے مطابق سیمی فائنل سے پہلے ہی ایونٹ سے باہر ہونے والی ٹیم کو 1 لاکھ ڈالر ملیں گے۔
کل 10 ٹیموں میں سے پہلے مرحلے میں 6 ٹیمیں سیمی فائنل کی دوڑ سے باہر ہوجائیں گی۔ایونٹ میں 45 گروپ میچ کھیلے جائیں گے، ہر گروپ میچ کی فاتح ٹیم کو 40 ہزار ڈالرز دیے جائیں گے۔
