راولپنڈی (این این آئی)راولپنڈی ڈیویلپمنٹ اتھارٹی کے ڈائریکٹر جنرل سیف انور جپہ نے کہا ہے کہ راولپنڈی میں صرف 69 ہائوسنگ سوسائٹیز قانونی ہیں اس حوالے سے سیف انور جپہ نے کہا کہ راولپنڈی میں 484 ہائوسنگ سوسائٹیز آپریٹ کر رہی ہیں۔
انہوں نے کہا ہے کہ آر ڈی اے نے 336 ہائوسنگ سوسائٹیز کو غیر قانونی قرار دیا ہے، 79 ہائوسنگ سوسائٹیز کی رجسٹریشن کا معاملہ زیرِ غور ہے جبکہ راولپنڈی میں صرف 69 ہائوسنگ سوسائٹیز قانونی ہیں۔
انہوں نے کہاکہ غیر قانونی ہائوسنگ سوسائٹیز کے خلاف خصوصی ٹاسک فورس قائم کی گئی ہے، 40 کے قریب غیر قانونی ہاسنگ اسکیموں کی تعمیرات گرا دی گئی ہیں۔
ڈی جی آر ڈی اے کے مطابق غیر قانونی ہائوسنگ اسکیموں کے مالکان کے خلاف قانونی کارروائی کی گئی اور 8 مالکان کو گرفتار کیا گیا۔
سیف انور جپہ کے مطابق غیر قانونی ہائوسنگ سوسائٹیز کی سوشل میڈیا پر تشہیر روکنے کے لیے ایف آئی اے کو خط لکھا ہے، غیر قانونی ہائوسنگ سوسائٹیز کے خلاف آپریشن کے دوران 80 مقدمات درج کیے گئے۔
